U Amitabh, u dei uba pang tb, u im ha ka jingtrei kam tang 25 percent u liver

U Amitabh Bachchan, uwei na ki khlur ba khraw jong ki phlim bollywood, u phla mynta ba u dei uwei na kiba la ioh jingpang TB bad mynta, u im ia ka jingim, ha kaba u trei kam tang 25 percent, u liver lane u dohnud jongu. U iathuh ba ula kyndit ba haba u lap ha u snem 2000, ba u don ia ka jingpang tuberculosis bad mynta la 20 snem, u im, ha ka jing treikam, kaba tang 25 percent u dohnud jongu. Ula iathuh ruh ba haduh phra snem kynthih, um shym tip satia, ba u don ia ka jingpang tb.

U Amitabh Bachchan, u iathuh ia katei ka jingshisha ha ka jingim jongu, ha ka prokram jong ka NDTV, ka ‘s Swasth India, ha kaba u iakren bad U Dr Harsh Vardhan bad kaba u pynpaw ia ka jingdonkam ban phah peit doktor ialade man ka por.
Ha u snem 2016, U Bachchan, u la sdang ia thuh nyngkong, ba u don ia ka jingpang TB bad ka jinglap jongu, ia katei ka jingpang tb, ka dei ha ka por ba u sdang ia ka prokram Kaun Banega Crorepati ha u snem 2000. “Ka dei ka tb kaba ktah ia u shyieng budlum, ka dei kaba shitom ban shong ne ban dem ruh. Nga hap ban die dawai pyniap jingpang haduh 8-10 tylli ha ka shisngi, ba ngan lah ban pyniaid ia katei ka jingialehkai” ong U Bachchan.