Shillong: Ka Shillong Lajong ka la lah ban khur ia ka jingjop mynta ka sngi hadien ba ka la lah ban pynliem ia ka Guwahati Town Club da 2-1 ha MFA Turf ha Polo. Kane ka jingjop ka Lajong ka dei ka sien jop ba san kynthih.
Da kane ka jingjop, ki khynnah ka Lajong ki la lah ban pynlong ia ka kynhun jong ki ban sah ha khlieh duh jong ka miej iakhein point da 15 point na ki 6 sien ialehkai.
Ka Lajong ka la lah ban tam da shi kol ia ka Guwahati ha ka kylla step lyngba ka kol ba la ioh ban thep da u Parvaj Bhuiya ha ka minit ba 45+1 na shabar ka box.
Ym tang katta hynrei dei lyngba u Donboklang Lyngdoh uba la nang lah shuh shuh ban pynskhem ia kane ka nam jop jong ka Lajong pyrshah ia ka Guwahati da ka jingioh pynkhih jar jong u ha ka minit ba 50 na shapoh ka box.
Katba ia ka shi kol naka bynta ka Guwahati pat la ioh ban thep da u NabinRana ha ka minit ba 71 hadien ba u la ioh ia ka lad khlem da don nong pynwit bad thep suk na shapoh ka box.
Ka Shillong Lajong kan iakhun pyrshah ia ka SAI ha ka jingiakhun ban wan jong ki ha ka 3tarik u Nohprah ha Guwahati.