Shillong: Ka Shillong Lajong ka la pylliem ia ka Nangkiew Irat da 3-2 kol ha ka jingiakhun kaba long mynhynnin ka sngi ha ka lympung U-18 Shillong Premier League kaba long ha madan Polo.
Ia ka kol ba nyngkong la thep da ka Nangkiew Irat ha ka 10 minit hynrei ka Lajong ka la pynphai kylla ha ka 41 minit da u Kitboklang Khyriem. Ia ka kol baar la kum bakla thep hi da u Rapborlang Kharmawphlang ia ka Nangkiew Irat kaba la jia ha ka 46 minit.
Ka Shillong Lajong ka la iakhun tyngeh bad ka la ioh ban thep biang ha ka 61 minit da u Badonlang Rapsang.
Hynrei u Hiamdorlang Mairom u la ioh ban kham pynduna jingkhein ia ka Lajong ha ka 83 minit.
Ka Shillong Lajong kan iakhun sa ha ka 2 tarik Naitung pyrshah ia ka Sawmer SC por 3:45PM.