Shillong: Ka Malki ka la shah pynliem ha ka Sawmer da 3-0 Sawmer ha ka jingiakhun jong ka lympung U-18 Shillong Premier League 2018 kaba long mynta ka sngi ha madan Polo jong ka SSA.
U nongialehkai ka Sawmer u Bankyrshan L Mawphlang u la thep ia ka kol ba nyngkong ia ka Sawmer ha ka shi minit ba la iaid ka jingialehkai bad u Rapborlang Marwein ha ka 34 minit bad sa u Justerwell Tham u la thep ha ka 89 minit.
Ka Malki kam don lad shuh hynrei ban shu pdiang ia ka jingshah rem ha kane ka jingialehkai. Ka Malki kan iakhun sa ia ka Shillong Lajong ha ka 20 tarik.