Tyrwa ka sorkar ia u Todi kum u AG

Shillong, 15 Nohprah:
Ka sorkar jylla mynta ka sngi ka la tyrwa ia ka kyrteng jong u Additional Advocate General (AAG) rangbah u Dr BP Todi kum u Advocate General (AG) ba thym mai jong ka jylla. Ia katei ka rai la shim hadien ba u Advocate General u bah KS Kynjing u la risaiñ na katei ka kam ha ka 7 tarik u nohprah.
“Ngi la rai ba thung ia u Dr BP Todi, u AAG rangbah kum u Advocate General,” ong u Dr.Mukul Sangma haba kren sha ki nongthohkhubor mynta ka sngi hat majai bad u la pyntip ruh un pynmih ia ka jingpynbna mynta hi ka janmiet. U Mukul u la ong ruh ba ia ka kyrteng jong u Todi la tyrwa hadien ba la phah ia ka shithi risaiñ jong u bah Kynjing sha u Lat ka jylla ba un pdiang.