Shillon: Da kane ka jingpynbna, ka KSU Mawkhar Circle, Shillong, ha ka jingpyrshang ban iarap ia ki para samla pule ki ban ialeh ia ki eksamin Undergraduate bad Postgraduate final semester examination 2020, kiba shem jingeh ha ka liang jong ka internet connection ban download ia ki jingkylli (question papers) ki lah ban wan ha ka InfoTech Computer Lab kaba don hapoh ka K.S. Complex, Umsohsun ( Hajan LadyBird Hotel) ban pyndonkam ia ki kor Computer (internet) ha kane ka jaka.
La kyrpad ia kito ki samla pule kiba thmu ban pyndonkam ia kane ka lad ba kin sngewbha ban pynbiang na lade ia ki jingdonkam baroh kum ki kot sada(A4 Paper), khulom, let etc.
Kaba kin ioh ban pyndonkam ka long tang ka desktop computer kaba don ia ka internet connection khnang ba kin lah ban download ia ki jingkylli (question papers) jong ki eksamin jong ki kiba bapher bapher katba kum ka jingpule jong ki.
Ka KSU ka kit bok kit rwiang ia baroh ki samla pule ba kin leh bha ha ki eksamin final jong ki baroh.
Phi don ban ong eiei?