Tyrwa hiar shuki noh ka Sonia bad U Rahul Gandhi

New Delhi,
19 Jymmang:
Ka President jong ka seng Congress, ka Sonia Gandhi bad u khun jongka, u Rahul Gandhi, ki la tyrwa ba kin hiar shuki noh, kum ki nongialam jong ka seng, hadien ka jingshah rem kput, ha kane ka elekshon, kaba dang shu dep; hynrei ki nong ialam jong ka seng, ki kren pyrshah ia katei ka  jing thmu bad kim shym la mynjur, ba kitei ki nong ialam, kin iehnoh na ka jinglong nongialam jongki.
U myntri rangbah barim ka Punjab, U Am rinder Singh, ula ong “Ka Sonia bad u Rahul, ki la tyrwa ban hiar shuki noh, hynrei ka  Congress Wor king Committee, ka la kyntait”. Kham mynshwa, ha ka Lah Sngi U Blei, U Ahmed Patel, uba dei U Political Secretery jong ka Sonia, ula ong “Baroh ba kynthup ianga, ngi don ia ka jingsngew kitkhlieh, halor ka jingrem jong ka Seng”.
Ka Sonia bad U Rahul, ki la kren lyngkot eh ha ki kotkhubor ha ka sngi thohdieng ba ladep, ha kaba ki pdiang ba ki don ka jingsngew kitkhlieh, halor ka jingshah rem jong ka seng, ha kane ka elekshon, kaba dang shu dep, kaba la ioh tang 44ngut ki MP, ha ka iing kaba 543ngut bad kaba hiar shibun, na ka jingioh jongki, kaba 206ngut ki dkhot ha ka Lok Sabbha, kaba dang shu dep, kaba dei ka iing dorbar kaba 15.