Tynrong shuh u CEM ïa u Bah Paul & Bah Jambor sa kiwei ki tnat

Shillong:U CEM ka KHADC u Bah Titosstarwell Chyne, mynhynnin ka Sngi u la bhah kam thymmai ïa ki arngut ki Executive Member ka KHADC kiba dei ruh ki MDC ka seng United Democratic party (UDP).

Katkum ka jingpynbna ba la pynmih mynta ka kaba dang ïaid ruh ka Ïing Dorbar Lyïur ha KHA DC, na ka liang u CEM ka KHADC u la aiti lang noh ïa u Bah Paul Lyngdoh MDC ban bat ïa ka tnat Elaka Administration ban peit ïa ka West Khasi Hills, ka South West Khasi Hills bad Eastern West Khasi Hills.
Ïa u Bah Paul Lyngdoh la aiti ruh ba un dang ïaid bat ïa ki tnat kiba u la bat baroh shi katta kum ka Town Committees, ka Building Bye Laws bad ka Sports and Youth Affairs.

Katba ïa u Bah Jambor War Executive Member u dang ïaid khmih ïa ka Elaka Administration na ka East Khasi Hills bad Ri Bhoi District bad ka Taxation.
Kiwei pat ki jingbhah kam kiba khlem pat pynkylla kin ïaid neh kumjuh, katkum ka jingpynbna da u CEM ka KHADC.