Tynrah ka trok ia u rangbah

Jowai, 7 Nailar:
Mynta ka sngi U Blei, uwei u briew u la duh ei ia la ka jingim hadien ba kawei ka trok ka la iuh ia u haduh ba ym lah shuh ban ithuh dur khmat. Kane ka la jia ha Hynniewmer hajan ka Weighbridge ka Transport Department.
Ki don ki nongtrei katei ka Weighbridge kiba iohi ia kane ka jingjia ha kaba ki la pyntip mar mar sha ki pulit kiba don ha Phramer PIC bad ki la behthong ia ka hynrei kim shym la lap satia ia ka. Katei ka metiap jong utei u rangbah briew ka dang don mynta ha Civil Hospital, Ialong.
“Ngi lah shuh ban ithuh ia ka met bad kumjuh ki nongwan nongiaid lynti ruh kim lah ban ithuh, hynrei ngi suba jur ba udei na kane hi ka thain marjan. U don ka jri Siat Sim hapoh phla, la ong ka khubor na ki pulit.
Na ka liang ki pulit ki dang tohkit ia u driver katei ka trok uba dei u bar jylla bad ruh ki dang pynlong ia ka jiingtohkit ban lap ia ki trai jong utei u briew.