Tynrah ka trok ia ka kynroh ha Jaidoh Kroh, lait ka taiar la ka jong bad ka body la ka jong

Ha kawei ka jingjia kaba sngew shyrkhei, kawei ka trok kaba don ia u numbor ML 06 4896 ka la leit ban tynrah ia kawei ka kynroh ha Jaidoh Kroh kaba ha hap hapoh ka shnong Nongspung, West Khasi Hills.

Ha kane ka jingjia, kane ka trok kaba la pynher sted bha ka la leit ban tynrah daiñ ia katei ka kynroh ha kaba ka body jong katei ka trok ka la hap noh sha riat katba ki bynta jong ki tyre ki la sahkut ha surok bad katto katne ki bynta jong kane ka trok ka la sahkut nog ha kane ka kynroh.

Katkum ka jingiathuh jong ki pulit, ki la iathuh ba kane ka trok kadei kaba kit ia u shyiap bad kadei kaba wan na ki bynta jong ka Nongkasen ban leit sha Nongspung, hynrei namar ka jingpynher sted palat ha ka jingdum ka miet, kane ka trok ka la leit ban tynrah beit ia ka kynroh.

U nongniah jong kane ka trok, uba la tip kyrteng kum u Lookingstar Lyngkhoi, 26 snem ka rta uba dei na Porsohsat bad u nongbud uba la tip kyrteng kum u Donboklang Lyngkhoi uba dei na ka shnong Mynniar ki la mynsawjur, bad la kit noh mardor ia ki sha Nongstoin Civil Hospital.