Tynrah ka thuk thuk, ia ka khynnah skul

Shillong, 11 Risaw: Mynta ka janmiet ha ka por 5 baje eiei kawei ka thuk thuk kaba khlem don nombar ka la tynrah ia kawei ka khynnah kynthei kaba la tip kyrteng kum ka Tingmate Tangsang, 14 snem karta ha ka surok bah kaba don ha ka shnong Wahkdait.Haba ia kren bad u nongthohkhubor ka hynmen jong katei ka khynnah ka kong Shalai Tangsang ka la iathuh ba katei ka jingjia ka la jia mynta ka janmiet katba ka para khadduh jong ka ka dang mut ban kam na shilliang sha shilliang ka surok hynrei la wan mih kynsan katei ka thuk thuk kaba la pynher sted palat bad ka la tynrah beit beit ia ka para jong ka.
Ka kong Tangsang ka la ong ba u nongniah jong katei ka thuk thuk u dei uba la shongshit kyiad bad u la mut ban phet krad na katei ka jaka hynrei ki paidbah katei ka shnong ki la ioh bat ia u hynrei la pyllait pat hadien ba la dep ban ai pulit ia katei ka kam. Ka la ong ba ka para jong ka ka la mynsaw na ki bynta ki syngkai jong ka bad mynta ki dang phah khem phah sumar hi ha katei ka shnong.