Hynnin ka sngi, ka bos, kaba kit khynnah skul jong ka Meghalaya Transport Corporation, ka la leit lymbub ia uwei u dieng kseh, hajan ka ophis ki shipai suin, ha Hynniewmer, Upper Shillong.
Ki khynnah kiba don ha katei ka skul, ki dei ki jong ka Kendriya Vidyalaya EAC. La iathuh ba u nongniah jong katei ka bos, U bah Singwel Step War, ula tyngkhuh ia uwei u dieng, katba u dang phai dien ia ka kali jongu.
Ki khynnah rit kiba la mynsaw, ki long U Om (9), U Daphalang (10), U Zacefron (11), U Johana (11), U Wanplielad (11), U Dangohipaia (11), U Adonhi A Jyrwa (8), U Elishua Marbaniang (11) bad U Rishobh (12), ha kaba la ai jingsumar malu mala ha Civil Hospital bad hadien kata la pyllait noh ia ki.