Ha
Ki Nongjied (Voters) Ka Shella MLA Constituency
“Tynjuh ïa U Bah Balajied ha kine ki Lai (3) snem bad sa bishar bha ïa u ha u 2023.”
U khun un ym da jngai than na u Kpa ha ka liang ka pyrkhat ka pyrdaiñ; u lah ban kham janai pynban.
Kum ka jinglehbha I Bah Don ïa nga ngam lah khlem da kynthoh ei-ei, ryngkat bad ka jingkyrmen ba kan long kum ka jingïarap ïa u khun uba thmu ban shimti ïa ka lyngkor kaba u Kpa u la iehnoh.
Ngi la ïa jop ïa Ka Elekshon MLA ha u snem 1988. I Bah Don I la jop na Shella kum U Independent bad nga la jop na Mawlai kum u candidate ka HPU. Ïa nga ka long ka sien kaba saw bad I Bah Don ka sien kaba nyngkong. Ha une u snem ka HPU ka la jop haduh 10 ngut ki MLA tang na Garo Hills. Haba kheiñ lang ïa baroh – kata kiwei kiwei ki Regional Party, Independent bad HPU (Hill People Union) ngi la ïa ïoh haduh 32 ngut.
Ngi la ïa trei shitom ban bat ïa ki MLA kiba don sha ka liang jong ngi khnang ba ngin ïoh ïa ka lad ban thaw Sorkar.
Nga la leit dalade hi ban ïa kynduh ïa I Bah Don ha kawei na ki Quarter ka MeSEB kaba ha Mawlai Nongkwar. Hadien ba ngi la ïa kren I la mynjur ban ai ka jingkyrshan kaba skhem da kaba ong ruh ba in ym kynriah da lei-lei ruh na ka nongrim. I Bah Don I la bat shisha ïa ka kyntien bad I la neh haduh kaba kut. Ngi la ïa long paralok naduh u snem 1988. Lah ban ong ba u la long u briew uba burom bad uba la bat skhem ïa ka jingkular (Fidelity to principle).
Ïa katei ka jingkyrmen jongngi ban ïoh bat ïa ka jingsynshar la pynpulom da san (5) ngut ki MLA kiba na ïing. Ym sngew dei hi ruh ban pynpaw ïa ki kyrteng jong ki ha kane ka jingthoh.
Kiba bun na phi phim ithuh ïa nga, hynrei mynta nga kyntu ïa ka mon ba laitluid jongphi ba phin sngewbha ban kyrshan ïa U khun jong I Bah Don tang na ka bynta mynta Lai (3) snem bad sa peit u long kumno. Ka jingbishar kaba bniah kan sa long ha u 2023.
Nga shaniah ba U Balajied Synrem un ai ka jingshakri kaba pynhun ïa u Paidbah ka constituency bad kata kan sa long kum ka jingkieng ka ban pun sha ka 2023.
Khublei
S. D. Khongwir, Ex. MLA
Mawlai Constituency, Meghalaya.
Lada ka UDP ka sngew ba u Balajeid ym Da iapher na u kpa bad ban tynjuh bad ailad ia u ha ki lai snem, Kane ka long kamkai Balei nga Ong kumne namarba, ka UDP kam shym pyrkhat te ia u Khun Jong u (L) Dr.Donkupar Roy hynrei ka pyrkhat iaka interest Jong ka party shuwa lym kumta te Balei bym reserved iaka speaker post lane atleast minister, pynban Shu kwah kyrkieh ban ai iaki shuki haki para party members kiba tang ka educational qualification ruh um pat iaryngkat