Tyngkhuh ka bos bad ka kali umphniang, iap 57

57ngut ki briew, ki la iap ei, ha ka jingbthei jong ka kali kit um phniang, haduh ba ka ia tyngkhuh bad kawei ka bos.
La iathuh ba katei ka dei ka jingjia, kaba jia mynta ka step, ha kaba katei ka kali kit um phniang, ka la iaid bakla bad kumta ka leit tynrah beit beit ia ka bos, kaba kit ia bun ngut ki kynthei bad ki khynnah ruh kumjuh. La iathuh ba u nongniah, ula phet krad, hadien jong katei ka jingjia. Don na ki briew, kiba shong ha tnum jong ka bos, kiba la lah ban kynthih ialade, ha kaba ki la lait im, katba kiba bun kiwei pat ki la shah ker kut hapoh kali bad kumta ki la shah thang im baroh. Saw ngut, la iathuh ba ki la mynsaw.
“Ngi la ioh pdiang ia 57tylli ki met iap bad ka jingiap, ka lah ban nang bun, namar ba kiba bun ki met, ki dei kiba la ing bad kiba la ia syndait lang kawei ia kawei pat” ong ka doktor, Semi Jamali ha ka Hospital ha Karachi.