Shillong: Uwei u samla uba la tip kyrteng kum u Sagar Thakuri, 24 snem karta uba shong basah ha Nongmensong u la khlad hashen hadien ba ka thuk thuk kaba u niah ka la leit tynrah ia kawei pat ka thuk thuk, katei ka jingjia ka la jia ha ka shnong Pynthor Block IV. Uwei pat uba la tip kyrteng kum u Amrit Dev Verma , 23 snem karta u la mynsaw, utei u dei uba trei ha Tranquil Inn Guest House kaba don ha Lum Shyiap, Pdeng Shnong.
Katei ka jingjia ka la jia ha ka por 1:30 baje mynsngi ha kaba u Sagar Thakuri uba la pynher sted ia ka thuk thuk jong u, u la leit ban tynrah ia ka thuk thuk kaba niah u Amrit. Baroh ar tylli ki thuk thuk Pulsar ki la pra phum. Ka thuk thuk jong u Sagar dei kaba don ia u nombar ML05L – 4561 katba ka jong u Amrit pat ka dei kaba don ia nombar ML04B – 8895.
