Shillong: Ka la don ka jingtwa khyndew ha ka shiteng miet jong ka sngi saitjaiñ bad katei ka la jia ha ka shnong Sunapur, East Jaintia Hills hajan Mandir. Ha katei ka jingjia uwei u lum u la twa bad ki maw, ki dieng ki khyndew ki la hap sbuk hapdeng surok. Ka dei ka surok kaba pyniasoh sha Barak Valley, Assam, sha Mizoram bad Tripura. Ka jingdheng kali ka la neh bun bun kynta ha katei ka jaka hynrei la lah ban weng ia ka khyndew ha ka janmiet sngi u blei hadien ba la wanrah da ka puh shilum.
