Twa khyndew sha Dangar, Kenmynsaw, ong ka DC; ther jubor u slap ha Sohra

Shillong: Ka ophis jong ka Deputy Commissioner, East Khasi Hills, ka pyntip, ba ki don ki jingjia na Mawsynram C&RD Block bad la iathuh ba ka jingiarap, ka dang iaid, na ka jingtwa khyndew ha Dangar bad Kenmynsaw, ha kaba ki don ki iing ki sem, jong ki briew ki la khyllem.

Na ka liang ka tnat peit mariang jong ka sorkar India, ka Indian Meteorological Department (IMD), ka pyntip, ia ka jinghap slap, ha ki 24 kynta ba ladep, ha kaba ha Sohra RKM 908.4,
Sohra 972.0
Mawkyrwat 538.0
Khliehriat 300.0
Shillong 100.9
Tikrikilla 128.0
Nongstoin 178.0
Williamnagar 250.0

Baghmara 261.2
Tura KVK 89.0
Mawphlang 504.8
Nongpoh 56.0
Barapani 57.6.

Ka jinghap slap mynta ka sngi, ha Sohra(Cherrapunjee) ka long 972.0 mm, haba khein ha ki 24 kynta ba ladep. Kane ka dei ka sien kaba lai jong ka jingjur slap tam ha Sohra, ha u bnai Jylliew. Ka jinghap slap, kaba jur tam ha Sohra, ka long 1563.3 mm bad katei ka dei ha ka 16tarik Jylliew 1995 bad kaba wan ba ar, ka dei 973.8mm ha ka 05tarik Jylliew 1956.