Jowai, 20 Naitung:
Hadien ka jingtwa khyndew ha une u bnai ba la dep ha Rattacherra, East Jaintia Hills District ha kaba 4 ngut ki myn siem ki la duh ei, mynta ka sngi la jia biang ka jingtwa khyndew ha katei ka thain, hynrei katei ka jingtwa kam da long kaba jur.
Ka jingtwa khydew ka la jia ha ka por kumba 4 baje ei ei mynta ka janmeit ha kaba ka la pynsah kut ia ki spah tylli ki kali tad haduh ka por 9:30 pm eiei.
Na ka liang ka bor district khamtam ka tnad PWD ka la hap ban phah da ka Puh- shilum ban leit sha katei ka jaka ban pynkhuid ia ka khyndew kaba la hap hapdeng surok ban pyllait ia ki kali kiba la sah kut.
Kane ka la jia ha jan shwa ban poi ka shnong Rattacherra ha ka jaka kaba la ju tieng ka jingtwa khyndew ha une u bnai ba la dep. “Ym shym la don slap, ka jingtwa khyndew ka la jia haba shit ba rang ka bneng”, ka ong ka khubor na ka shnong Rattacherra.
Phi don ban ong eiei?