Twa khyndew ha Aizawl, iap 10ngut ki nongtrei par

Shiphew ngut ki briew, ki la iap ei ha Aizawl, mynta ka sngi dang step, na ka jinghap khyndew bad ka jingtwa. Ka jingjia, ka dei ha ka por 6baje mynstep, ha ki bynta jong ka Melthum bad ka Hlimen, kaba don shathie jong ka nongbah Aizawl, na ka jingther jubor u slap bad ka eriong Remal, kaba la kynther ha katei ka jylla.

Shibun ki iing, ki la khyllem bad twa, na ka daw jong ka jingtwa jong kawei ka par maw, kaba don ha katei ka jaka. Na kitei kiba iap, la iathuh ba ki don 3ngut ki bym dei satia ki jaitbynriew Mizo.

Ka nongbah Aizawl, ka la dkut, ka iaid ka ieng sha kylleng ki jylla ka thain shatei lam mihngi, haba ka la kut ka surok bah National Highway 6 ha Hunthar.