Bah RM Shabong
Khyndiat bnai mynshwa, ngi iohi ba la pyntwa ia ka Executive Committee jong ka Khasi District Council, da ki MDC jong ka NPP bad ka PDF, hynrei mynta la nang pynskhem shuh da ka jingleit iasoh sa arngut ki MDC jong ka seng UDP, U bah Paul Lyngdoh bad U Bah Teibor Pathaw ia ka Executive Committee U Bah Latiplang Khar kongngor.
Hangne ka la pyni shai ba ka sorkar U Conrad Sangma, ka la rem, ha kaba iarap ia ka kynhun, kaba ki ia trei lang ha ka sorkar Jylla, hynrei kaba kongsan duh, ka long ba U bah Teinwell Dkhar, uba dei U Chief Executive Member (CEM) lem bad ki nongialam ka UDP, ki la pheil ban pynneh ia katei ka jing synshar jongki ha ka Council bad kumta ka jing kitkhlieh, ka leit beit beit sha ki heh ka UDP.
Ka jing khyllem hi jong ka EC, ka dei shwa ban hap ka jing kit khlieh ia U CEM, ha shwa ban peit ia kiwei pat ki liang bad U bah Teinwell, ula dei ban hiar noh ialade, na ka kam nongialam, hadien ba ula hap na katei ka shuki bad hangne, ngin hap kynmaw ruh ba ka jing pynbeit jong ki nong ialam jong katei ka seng, hadien ka elekshon MDC 2019, ka dei ba ia ka shuki CEM, yn ia bhah mar shisnem bad kumta haba U CEM, uba nyngkong, ula hap hi, kumta ka jing ia bhah kam don jingmut shwa ba kumta ula dei ban hiar noh ialade mardor bad ban ailad ia kiwei pat ba kin mih bujli.
Ka jingleit ia snoh jong kitei ki arngut ki MDC sha ka Executive Committee jong U bah Latiplang Kharkongngor, ka la pyni shai ba ia kane ka EC, kan nym long shuh kaba suk ban pynhap, hynrei ka kynhun UDP, NPP, kan hap ban thaw da kawei pat ka lad ka lynti, lada ki kwah ban ia knieh ia ka jing synshar ha KHADC bad kam dei tang katta, hynrei kane ka jingduh jongki ia ka jing synshar ha KHADC, ka ailad ruh ia ka jing ia kynad ba kan nang jur ha kane ka sorkar synrop MDA, namar ba kiba bun ki MDC, kin nym hun ban shu ia shong khlem shuki bad kumta ka jing dawa kaba bun kan mih bad kam dei tang katta, kan mih sa ka jing wad daw kaba har jait.
Ngin dang ia peit kai ha ki sngi, ki ban sa wan, hynrei ia mynta ngi iohi ba ka jingkhein jong ki Sangma, lem bad U bah Prestone bad U bah Metbah, kumba ka la bakla, hynrei u dang triem ban pyniaid da U bah PN Syiem marwei, uba khyrwait ka mon ka diang ban pynjem khnap, ia kito kiba ia pyni bor.
Kat ka kyrdan bah paul dang shah khyrwait ha om syiem katno lei bapli teibor maiden winner
Ka biang Bah Paul. Kumba phi ong shisien ka por kumta hi phi leh. “Ha ka politik phi lah ban thok shipor hynrei ym dei shi junom”. Lada pyrkhat bha, ka UDP ka leh klet shisha ia i bah Paul ba pli. Naduh ka post president ruh kam ai, CEM ruh kam ai. Bha hi phi ban resign noh na ka UDP, join noh sha Congress phi ioh post kiba khambiang.
Nga te nga Ong ka dei ka jing leh Kai ia u paitbah da ka ba knieh shuki man ka por lada phi neh sa Tang katno la ioh shynshar biang lada long kumne ha ei keiñ ka ri jong ngi Kan poi,namar ha district council phi don para khasi phim ia sngew thuh
U briew te u briew la u heh spah Katno Katno ruh ym dap. Lah u ba duk wan na lyngkha bam da Ka ktung bad phan snep sngew jahthsit hi jai khlem da pyrwa namar mei mariang Ka dang bsa