Twa ka surok hapoh shnong Umkiang

Shillong:Ka surok kaba don hapoh Shnong Umkiang, ba dei iaid na NH-6 sha Dong Pahar – Umkiang, ka la julor bad twa mynta ka sngi, ka 06tarik Jylliew 2022, dang step phyrngap.

Ha kane ka jingjia ka surok ka la hap shapoh riat bad katei ka la ktah jur ia ki nongshong shnong khamtam kiba shong basah ha Dong Pahar Umkiang, ha ka leit ka wan khamtam ha ka liang ka kit ka bah ne ka pang ka shitom. Ka kyrwoh na ka shnong, ka ong “Ha ka jingshisha kane ka surok (PMGSY) ka dei kaba dang shu dep pynbha (cemented) ha ki bnai tlang ba la dep”. Ki nongialam shnong, ki dawa bad kyrpad jur ia ka Sorkar ba kan leh ei ei ia katei ka surok khnang ba kan long ka jingmyntoi ia ki nongshong Shnong, ong ka kyrwoh na U Ma Lasting Pala, Waheh Shnong Umkiang.