Shillong,13 Naitung:
Ka Bharatiya Janata Party (BJP) Mawsynram Mandal ryngkat bad ka BJP East Khasi Hills District ki la hiar sha Ryngku ha ka 9 tarik mynta u bnai ka la leit ban pynshai ia ki nongrim ba ka seng kan ieng na ka bynta ka ilekshon MLA ha u 2018.
Ia kane ka kynhun la lamkhmat da u Bah Hamless Syiemlieh, President ka Mawsynram Manda, u Bah Kisborly Kharbani, Vice-President ka BJP East Khasi Hills, ryngkat ka jingiadonlang ki nongkitkam jong ka BJP ha ki thain khappud bad palat spah ngut ki paidbah kiba la wan sngap ia kane ka jingialang. Ha kane ka sngi la ioh ruh ban sam jingiarap haduh 200 tylli ki jain sha ki 11 tylli ki shnong.
Ia kane ka jing ialang la pyniaid da u Bipul Banai, Rangbah shnong Pataghat ha ka jingiadon ryngkat ki paidbah na ki 4 tylli ki Polling Station kita ka Pataghat, Lalpani, Ryngku, Kyrdoh. Haba ai jingkren ha katei ka sngi, u Bah Kisborly Kharbani u la ong ba naduh ba la wan synshar ka BJP ha ka ri India ka la don ka jingkylla bad baroh ki jylla kiba la synshar ka Congress ki la khyllem lut bad mynta ka jingma ka BJP ka ap satang ka por ilekshon ba kan ioh ban pynkhyllem ia ka Congress ha ka ilekshon 2018.
U la ong ha kine ki snem haba ka synshar ka Congress ha ka jylla kam don eiei ki kam pynroi ha Mawsynram constituency khamtam ha khappud ba shong ki bym dei Khasi, kumta u la kyntu ia ki paidbah ba lada ka BJP ka wan ha ka bor kan wanrah ia ki skhim pynroi na ka bynta kane ka thain
Phi don ban ong eiei?