Shillong:Myn hynnin ka sngi ka Hynniewtrep Youth Council (HYC) Shillong Circle ryngkat bad ka Nongthymmai Circle ha ka jing ialam da u President ka Nongthymmai Circle u samla Enlang Sawian, ki la leit ban iakynduh ia ki nong pyniaid ka ophis treikam ka Jio kaba thmu ban beh kam noh ia kawei longkmie.
Na ka liang u samla Enlang Sawian u la iathuh baka seng ka la ioh jingtip ba ka ophis Jio ka mut ban thmu ban beh kam noh ia kawei longkmie kaba trei kum ka nong pynkhuid ophis lane (House keeping) haka nongrim ba ka ophis Jio kam lah ban siew tulop namar ka jing shah ktah haka ‘Lockdown’.
“Ka seng ka la ioh jing tip ba ka ophis Jio kaba don ha Firebrigade ka mut ban beh kam noh ia i longkmie tang na ka daw baka ophis Jio kala duhnong ha ka jing shah ktah bad ka ‘lockdown’” la bynrap u samla Enlang Sawian.
Haba kren bad i longkmie ba ka ophis Jio kamut ban beh kam noh, na ka liang ka kong Torry Dkhar ka iathuh ba ha ka 11 tarik jylliew, ha ka por kumba 11 baje ka la ioh ban iakren lyngba ka phone bad u nong peit ia ka kam ba ka trei u Tapas u ba don sha Assam, ha kaba u la ong ba ka la shah beh bad naduh 12 tarik Jylliew kam donkam shuh ban wan trei.
Haba dei bad ka rai ban thung kam biang ia ka kong Torry Dkhar, na ka liang ka kong Torry Dkhar ka la iathuh ruh ba ka Jio kompany lyngba u manager kala rai ban thung kam biang ia ka bad ka dei ban trei 15 sngi ha ka 1 bnai ryngkat bad ka tulop 4000 tyngka.
Nalor kane ka kong Torry Dkhar, ka iathuh ruh ba man ka por une u Tapas bad u Saijul ki ju kren heh bad byrngem ruh ban behkam noh ia ka, tang namar ba ka pep trei ba ka shitom.
Haba dei bad kane na ka liang ka HYC ka kyntu ia u Tapas bad u Saijul ban wan mih sha ophis treikam ka HYC ha shwa ba kin wan trei sha Meghalaya.
Ka HYC ka la byrngem ia ki kompani bar jylla ba kim dei ban shim kabu ban beh kam ia ki samla ka jylla khlem da don ka nongrim bad lada lap ka HYC kan shim ia ka sienjam ba tyngeh.
Phi don ban ong eiei?