Tuid ki sikret Bangladesh sha Jaintia

Jowai, 20 Risaw:
Ka kam khaii be-ain ia u Sikret bad duma ha Jaintia Hills ba la wankit na sha Myanmar bad Bangladesh ka la kynrei bha ha ri lum Jaintia bad halor kane, kawei na ka Agency kaba pyniaid iew ia u Sikret ha ri lum Jaintia ka la ujor sha ki pulit halor ka jingjyllei ka khaii be-ain ia kitei ki mar ba la wan shallan be-ain na bar ri.
Ka Pariat Marketing Agency ha ka jingujor sha ki pulit ka la pynpaw ba ka kam khaii tuh ia u Sikret ba la wanrah na ri Bangladesh bad Myanmar ka la jur bha ha Jaintia Hills bad ia kane ka kam la leh da ka kynhun kaba ym lah satia ban tip.
Ia kine ki Sikret bad kiwei kiwei ki kynja Duma la die pathar la jan ha baroh ki dukan bad kane ka la ktah shi katdei eh ia ka jingdie ia u ITC Sikret bad ym tang katta ka wanrah ruh ka jingduhnoh kaba khraw ia ka sorkar.
Kine ki mar kim don ruh ka jingmaham katkum ki kyndon jong ka supreme Court bad na ka liang ka Pariat Marketting Agency ka la kyntu ia ki pulit ban tohkit bniah ia kane ka kam be-ain kaba ktah ia ka ioh ka kot jong ka jylla bad ka ri.