Nongpoh:Ki paid riewngeit ka Balang Presbyterian kiba don ha ki shnong bapher bapher ha Ri Bhoi, mynhynnin ka sngi ki la tuid sha ka jingiaseng Synod Rangbah ka Ri Bhoi Presbyterian Synod, kaba la long 13 haduh 16 tarik mynta u bnai ha ka Balang Presbyterian Umket, Ri Bhoi District.
Ha katei ka jingiaseng Synod, kaba la don ryngkat ruh lem bad bun ngut naduh ki Pastor, ki Tymmen Basan, ki Nongialam ha ki Balang bapher bapher, la ka long kiba na ka District ne wat nabar jong ka District ruh kumjuh.
Haba phai sha katei ka jingiaseng paidbah kaba la long ha ka por 10 baje mynstep, la iohsngew ia ka jingiathuhkhana na ka ktien U Blei lyngba J.M Nongpluh, haba kaba u la shim da ka Ktien u Blei na ka Kotbah u Loukas ka dkhot 10 bad ka lyngba ka 38-42, ha kaba u la kren lyngba halor ka jingpynlut por bad u trai.
Haba phai sha ka jingiaseng kaba ar ha ka por 1 baje nohphaisngi, la ioh ia ka jingiathuhkhana lyngba u shakri U Blei, u L.D.Nongsiej bad uba la ioh ban sam ia ka ktien u Blei sha baroh ki riewngeit ka Balang Presbyterian bad kiba la leit sha katei ka jingiaseng Synod.
Phi don ban ong eiei?