Shillong: Halor ka jingkhlad jong U Dr Donkupar Roy, lamphang dorbar Jylla, U Narendra Modi, myntri rangbahduh, ula thoh ia ka khubor sngewlem jongu ha ka twitter, ha kaba ula ong “Sngew diaw shibun halor ka jingkhlad jong U Dr Donkupar Roy, lamphang dorbar Jylla. U dei uba ieid shisha ia ka roi ka par jong ka Jylla. Phah ia ka jingsngewlem sha ka iing ka sem jongu”.
PMO India
✔
@PMOIndia
Anguished by the demise of Dr. Donkupar Roy, Speaker of the Meghalaya Assembly and former CM of the state. Passionate about Meghalaya’s progress, he served the state with great diligence and helped transform many lives. Condolences to his family and supporters: PM @narendramodi
U Tathagata Roy, U Lat ka Jylla, ha ka khubor sngewlem jongu, u ong “Sngew diaw shi katdei, halor ka jingkhlad bym pat dei por jong U Dr Donkupar Roy. Ula dei u lamphang dorbar, u myntri rangbah barim bad U President jong ka seng United Democratic Party”.
U Conrad Sangma, myntri rangbah ka Jylla, u ong “Sngewsih kthang halor ka jingkhlad bym pat dei por u lamphang dorbar Jylla, U Dr Donkupar Roy. Ngi la duh ia u nongialam, uba aiti ia la ka jingim, na bynta ki paidbah. Ai ba U Blei, un pynjah thait ia ka iing ka sem jongu, ha kaba kum kane ka por jong ka jingsngew sih”.
U Mukul Sangma, nongialam liang pyrshah,ula ong “Nga sngew kyndit shibun halor ka jingkhlad ba kyndit u lamphang dorbar Jylla, Dr Donkupar Roy. Nga la duh ia u paralok uba iajan bha, u nongialam ka Jylla, u briew uba don ka jing shaniah bad uba dei ruh uba lah ban ia shaniah”.
Ki don shibun ki jingsngewlem ba la phah da kiwei de ki nongialam jong ka thain shatei lam mihngi bad ki nongialam ka jylla, halor ka jingkhlad jong U Dr Donkupar Roy.
Ka Ri Khasi Jaintia ka la duh noh khlem pat dei por ia u wei na ki Nongialam ba radbah ha ka liang ka synshar Khadar hapoh ka jylla,u dei u Nongialam ba tbit bad ba Lah ban shaniah.Leit suk (Bah) Dr.Donkupar Roy,Hon’ble Speaker Meghalaya Legislative Assembly.”RIP Sir”.