Tuh ia ka tynghung ba T.40 hajar

Shillong,15 Nailur:
U Bah Marphalangki Shullai u la leit ban ujor sha Mawlai Police Station ba ki shaka kali jong u ki la shah pynlait lyer bad ki runar ki la bret ia kawei ka shaka shapoh sanium bad katei ka jingjia ka la jia ha ka por shiteng synnia jong ka miet 12 tarik mynta u bnai. Ki pulit ki la iathuh ba u Bah Shullai u la ujor ba ha katei ka jingjia ki dkhot ka KSU bad ka FKJGP ki la tuh ia ka tynghung pynsawa, napoh kali jong u kaba la shong dor haduh T.40 hajar tyngka.
Katkum ka khubor pulit la iathuh ba u Bah shullai u la ong ba u la pynieng ia ka kali jong u kaba don ia u nombar AS-01H 1458 hajan ka Guest House jong ka NEHU ha Mawlai. Ki pulit ki la ong ba ki dkhot ka KSU bad FKJGP ki la pyndait ruh da ka jingthoh kaba ong khlem ILP khlem shongthait ‘No ILP No Rest’ ha ka kali jong u.