Trei ka pangshit, iap 8ngut

Shillong, 31 Naitung:
Ka shnong Jalilum kaba don markhap bad ka Umsong, Ri Bhoi District ka la shah ktah jur na ka jingpangshit, ha kaba 8 ngut ki khynnah ki la duh ei ia ka jingim ba kordor.
La iathuh ba katei ka jingpang ka dangtrei borbah ha katei ka shnong bad don phra ngut ki briew kynthup ki rangbah kiba la ngat ia katei ka jingpang bad la noh sha Patharkhmah CHC ban ioh ia ka jingsumar hynnin ka sngi.
Haba kren bad u Vice Chairman, ka Western Ri Bhoi Development Council (WRBDC), u Bah Najim Kharmalki ula ong ba katei ka jingpangshit ka long kum ka khlam haduh ba lai saw ngut na kajuh ka iing ki ioh ia katei ka jingpang, kiba la leit ban shah sumar ha Patharkhmah sha Nongpoh Hospital.
Ula ong ba katei ka jingpang ka long kaba ma khamtam ia ki khunlung khynnah, namar kiba bun ki longiing kiba la leit ban shah sumar ha ki hospital kim juh kham ioh jingiarap.