Trei ka khlam corona virus, ia U MP ka Jorhat, sa 3,500 kiba ioh pang thymmai

U Topon Kumar Gogoi, U MP ka Jorhat Lok Sabha, ula pynbna paidbah hynnin ka sngi, ba ula ngat ha ka khlam corona virus.

U Gogoi, u dei ruh U general secretary jong ka seng BJP ha Assam, u don mynta ha ka jingshah sumar ha Gauhati Medical College Hospital (GMCH). Ia katei ka jing ioh pang corona, U Gogoi, ula iathuh hi dalade ha ka peij jongu ha ka facebook. Ha ka jingthoh ha ka ktien Assamese, U Gogoi, u ong “Hadien ba nga la ioh ia ka jingpang Covid 19, nga dang shah sumar ialade ha Guwahati Medical College Hospital.”

Ha Assam, ki don sa 3,555 ngut kiba ioh pang covid hynnin ka sngi bad baroh kiba ioh pang ha ka Jylla, ki la poi sha ka 1,15,279. Na kitei kiba ioh pang, ki kynthup ia 924 ngut na Kamrup Metro, 236 ngut na Nagaon, 213 ngut na Dibrugarh, 200 ngut na Baksa district.

Haduh mynta, ki don 86,892 kiba la jem na ka jingpang bad kiba dang shah sumar, ki long 28,061 ngut. Kiba iap hynnin ka sngi, ki long 8ngut bad baroh kiba iap, ki la poi sha ka 323 ngut.