Trei ka khlam corona virus, ia u heh duh ka RBI

Ka khlam corona virus, ka la rung syndon mynta ha ka ophis shna pisa ba heh duh jong ka India, ka Reserve Bank of India (RBI). La iathuh ba U Governor jong ka RBI, U Shaktikanta Das, ula ioh ia katei ka jingpang corona virus mynta ka sngi.

U Shaktikanta Das, ha ka tweet jongu, u thoh “Nga la ioh ia ka jingpang covid 19. Ngam shym paw dak satia, ba nga don jingpang. Nga koit nga khiah bha bad nga la pyntip ia kito kiba la ia kynduh ia nga, ha ki khyndiat sngi ba ladep. Ngan trei ia la ki jong ki kam, na ka jaka ba nga shong marwei. Ka kam ha RBI, kan iaid kumba ka dei ban long. Nga la iakren bad ki Deputy Governor bad kiwei ki ophis lyngba ka VC bad ka telephone.”