Trei ka khlam corona, ia U Dwayne Johnson

U Dwayne “The Rock” Johnson, u iathuh paidbah, ba ula ioh ia ka jingpang klam corona virus lem bad ki dkhot jong ka iing jongu.

U Johnson, u iathuh ia katei ka jingjia ha ka video, kaba ula pyllait ha ka instagram bad u iathuh ba u kyndit shibun, haba u ioh ia katei ka khubor, ba u don ia ka jingpang khlam corona virus.

U iathuh ba ka lok jongu, ka Lauren Hashian bad arngut ki khun kynthei jongu ruh, ki ioh ia katei ka pang khlam. Ki khun kynthei jongu, ki la kham ioh bor mynta, hadien ba ki la don ka jingpang ryndang, ha ki khyndiat sngi ba ladep.

U Johnson, u iathuh ba u ioh ia katei ka jingpang, da kaba u iabit na ki paralok ba marjan jongu, ha kaba ma ki ruh, kim tip, naei ba ki ioh ia katei ka jingpang iabit.