Trei ka khlam corona, ia 50ngut ki nongthaw, ia ka dawai iada corona

HYDERABAD: Ki nongtrei jong ka kompeni, kaba shna ia ki dawai, ban iada ia u paidlang ka India, na ka khlam corona, hynrei, mynta, ki la ioh jingpang corona ialade bad kitei, ki dei ki nongtrei ka Bharat Biotech. Ka Joint Managing Director jong ka kompeni, ka Suchitra Ella, ka thoh ha ka tweet jongka, ba ki don 50ngut ki nongtrei, kiba ioh ia ka jingpang khlam corona.

Ka Bharat Biotech, ka dei kaba shna ia ki dawai Covaxin.

Ka jing ioh pang, ki nongtrei ka Bharat Biotech, ka la pyn kyndit ia kiba bun bad ki jing kylli, ki la mih ia katei ka kompeni bad uwe na ki nong kylli, u ong “Kumno kan lah ban long, ba haduh 50ngut ki nongtrei, kin ioh ia ka khlam? Hato kim pat shah injek ialade?”.

Nangta, u don sa uwei uba kynthoh “Lada ki nongtrei jongphi, ki ioh ia ka jingpang covid, katei hi, ka la kren shai, shaphang ka jingtrei kam jong ka dawai jongphi”.

Ki jylla, kiba ka Cavaxin, kan ai ia ki dawai jongka, ki long ka Andhra Pradesh, Haryana, Odisha, Assam, Jammu & Kashmir, Tamil Nadu, Bihar, Jharkhand bad ka Delhi. Nangta sa kiwei pat, ki long ka Chhattisgarh, Karnataka, Telangana, Tripura, Madhya Pradesh, Uttar Pradesh, Gujarat, Maharashtra bad ka West Bengal.