Trei ka coronavirus ia 3ngut ki doktor ha Mumbai

Ka jingpang coronavirus, kam map satia, wat ia u doktor ruh bad mynta ka sngi, uwei u doktor jong ka Saifee Hospital, ula khlad noh, na katei ka jingpang bad baroh kiba ioh pang corona ha Mumbai, ki la poi sha ka 58ngut.

Ha kawei pat ka jingjia, la iathuh ba uwei u doktor uba na Andheri uba 53 snem ka rta, ula ioh ia katei ka jingpang bad ka lok jongu, kaba 43 snem ka rta bad ka khun kynthei jongu, kaba 20 snem ruh, ka ioh lang ia katei ka jingpang. La iathuh ba kitei kim leit satia shaei shaei ruh. La iathuh ba utei u doktor, u ia kynduh bad uwei u nongpang, uba don virus.

U don sa uwei u doktor uba na Vakola, uba ioh ia katei ka jingpang bad la iathuh ba utei u ia kynduh bad uwei u briew, uba dang shu wan na Italy. Utei u doktor, u shah sumar mynta ialade ha Raheja hospital.