Trei ka corona ia U MP bad U MLA ha Assam

U MLA jong ka seng AGP, na Tezpur, U Brindaban Goswami bad U MP ka seng BJP na Mangaldai, U Dilip Saikia, ula ioh ia ka jingpang khlam covid 19.

U Dilip Saikia, MP sha Lok Sabbha, u iathuh ha ka twitter jongu, ba ula ioh ia katei ka jingpang bad u don ha ka jingshah sumar ha Gauhati Medical College Hospital (GMCH).

U Brindaban Goswami bad ka lok jongu, ka Labanya Goswami, ki ioh baroh arngut ia katei ka khlam corona virus.

Ha Assam, ki don baroh 1,18,333, kiba ioh ia katei ka khlam COVID 19 bad kiba ioh pang hynnin ka sngi, ki long 3,054ngut bad kiba dang don ia katei ka jingpang, haduh mynta ki long 27,303ngut.