Ka jingdheng kali Lah Sngi U Blei, ka la sdang biang sha Upper Shillong, kaba sdang naduh ka por 8baje mynta ka step bad kat haduh ba thoh ia kane ka khubor, katei ka jingsahkut kali, ka dang iai bteng hi ter kaba sdang naduh na Umshyrpi ter shaduh sha 4mer shiteng.
Ki kali kiba hiar, ki ieng sbak bad ki ia tyngkhap kawei ia kawei pat, namar ba kim ioh lad ban kiew sha ki bynta jong ka Lumdiengjri, Civil Hospital bad sha Iew Mawlong.
Ki nongleit jingleit kiba mut ban iaid sha katei ka surok, ki la dei ban buhteng shwa, imat kumba shi kynta tam eiei. Ki kali pat kiba mih ban wan na Umshyrpi sha Upper Shillong, kim shym sahkut satia.