Tohkit ki pulit 300 ngut ki nongbylla

Shillong, 6 Iaiong:
Palat 300 ngut ki nong bylla kiba wan nabar sha kane ka jylla khamtam ha ka nongbah Shillong kila shah shim ia ki jing pynshisha ha ki pulit bad la buh jingthoh ia ka jinglong jingman jongki ha ka jingpynlong ia ka jingkhynra da ki pulit ka East Khasi hills district.
Ia kane ka jing khynra nongbylla la leh da ki pulit ka East Khasi Hills lyngba ka Special Infiltration Squad ha ki jaka bapher bapher jong ka nongbah Shillong, ha u bnai ba la dep, la ong u SP ka East Khasi u Bah Mariahom Kharkrang.
“Ha kane ka jingkhynra nongbylla, ki pulit ki la lah ban bishar bad ban buh jingthoh ia ki 836 ngut ki nongbyllla”, la ong u SP.
U Bah Kharkrang u la ong ba kine ki nongbylla ki dei na ki jaka bapher bapher jong ka ri. “La pyntip sha ki district superintendent  jong ki district bapher bapher na ki jaka ba kine ki nongbylla ki wan katkum ki kot ki sla ba ki pyni”, la ong u SP ka East Khasi Hills. U Bah Kharkrang u la iathuh ba kane ka jingkhynra nongbylla kan iai bteng ba la leh da ka tnad Special Infiltration Squad.