Ki pulit jong ka Italy, ki la pynlong ia ka jingtohkit halor ka jingiap jong ki 190ngut ki tymmen, namar ka jaka ri tymmen, ha kane ka jingpang coronavirus. Katei ka jingjia, ka dei ha Pio Albergo Trivulzio, kaba don ha Milan bad kaba ki kotkhubor ka Italy, ki la khot ba ka dei ka jing pyniap khnang ia ki tymmen.
La iathuh ba ki nong pyniaid jong katei ka jaka sumar, ki la khang ia ki doktor bad ki nos ba kin sumar ia kitei ki tymmen, da kaba tap khmut ialade, ha kaba la shim ba kim shym pdiang satia ia katei ka jingpang, ba ka ia bit iwei sha iwei pat, hynrei ki shim ba katei ka dei tang ka jingtieng ia ka bor jong ka jingpang lane ia ka jingiap.
Na ka liang ka Trivulzio, ka kyntait ia katei ka jingleh bakla, hynrei ka iathuh ba ki tiar ban test ia katei ka jingpang, ki duna palat bad ki don tang na ka bynta shi hajar ngut ki briew.
U Governor ka Lombary, U Attilio Fontana, ula thaw da ka komishon ban tohkit halor katei ka jingjia ha Milan bad la iathuh ba ka jingiap ha katei ka jaka ri tymmen, ka poi sha ka 190ngut ha U Lber haduh U Iaiong.
Haduh mynta, la kurup ia ki kot ki sla jong kito kiba la shah sumar bad kiba ha iing, ki dawa ia ka jubab kaba shai, ha kaba iadei bad ka jingkhanglad ban deng ia ki tiar jing iada ia ki doktor kiba sumar ia kitei ki tymmen.
Ki doktor kiba don ha Lombardy, ki iathuh ba na ki 6hajar ngut ki tymmen,ki don 600ngut kiba iap ha ka Jylla Bergamo.
Kaba mut kane ka jingpang ka dei ka jingpang tymmen