Tlot u samla shah thngan, buaid ka 108

Shillong,21 Nailar:
Ka jingshah thngan jong ki samla ba la pass DSc ha nongstoin ka dang iai bteng haduh mynta ka mietba thoh ia kane ka khubor ha kaba uwei u samla uba la tip kyrteng kum u Shemphang Soh u la khie tlot na katei ka jingshah thngan bad ha kum katei ka por namarba ym shym la don doktor eiei ki dkhot ka seng ki la phone ia ka 108 ban ioh ka jingsumar kaba mar-mar hynrei kaba kyndit bad kaba sngewlyngngoh ba ynda la poi ka 108 la lap pynban ba u nongniah jong ka u la bu-aid bad u don hapdeng ka jingbymtip briew kumta ki dkhot jong ka seng kim shym la shah ban pynkit ia utei u samla da katei ka kali kit nongpang da ka jingtieng ioh mih pynban da ki jingjia ba sngewsih ha shiteng lynti.
Shuh shuh ka long kaba sngewlyngngoh ba ha katei ka jingjia la ia donlang ruh u Officer Incharge jong ka Nongstoin Police Station u Bah Marwein bad u Majistor ha katei katei ka por, iathuh u Bah R.Kharbani President HANM West Khasi hills.
U Bah Kharbani u la iathuh ruh ba ki saw seng kiba kynthup ia ka WYWC,WPM,HANM bad HPSO kin bteng ia ka jingiakhih jong ki ryngkat bad ki samla ba la pass ia ka eksamin jong ka DSC. Kitei ki saw seng ki la pynrem jur ruh ia u Deputy commissioner katei ka District da kaba kynnoh ba um shym la shim khia ia katei ka kam da kaba ong ba um khein snep ia ki samla ba pynlong jingiakhih watla kin iap noh ruh ha kaba tang ki doktor ruh ym don ha katei ka jaka ia khih.Haduh ba thoh ia kane ka khubor la ioh jingtip ba haduh mynta ka jingshah thngan ka dang bteng ha khmat khyrdop ka ophis u Deputy Commissioner ka West Khasi Hills.