Ka Kim Kardashian ka la ujor ha kashari, ban ia pyllait sanshyieng noh bad U Kanye West bad katei ka dei hadien, ba ka don ka jing ia kynrum kynram hapdeng ka jing iadei jong kitei ki shi tnga ha u snem ba ladep.
La sngewthuh ba ka jing ia pyllait sanshyieng jongki, kan nym slem shuh bad la iathuh ba kitei ki Kardashian, ki la ia shong ia sah la ka jong ka jong, la bun bun bnai mynta.
Ka Kim, ka la buh da ka Laura Wasser, kum ka nong ia said, na ka bynta jongka bad ka dei ruh, kaba la don bynta ban ia pyllait san shyieng hapdeng ka Kim bad U Krim Humphries, u nongialehkai NBA, ha u snem 2013, ha kaba ki ia shong tang 72 sngi. Ha shwa kata, ka Kim, ka la ia poi kha ruh ia U Damon Thomas, naduh u snem 2000 haduh u snem 2004.
Ka Kim bad U Kanye, ki ia poi kha ha u Jymmang jong u snem 2014, ha Italy.
Ka Kim bad U Kanye, ki don saw ngut ki khun bad kitei ki dei ka North, 7, ka Chicago, 2, nangta sa ki khun shynrang, Saint, 5 bad U Psalm, 1.
Ka Kim, ha ki khyndiat taiew ba ladep, kam shym la deng shuh satia ia ka sati synjat, kaba la ai da U Kanye West, kaba shongdor $1.3 million bad ka shong ka sah lem bad la ki khun ha Los Angeles, katba U Kanye (43), u shong u sah ha Wyoming marwei hi.
Biang kein lada pan ruh tangba Nai pan Bai khaw khun ne Bai eiei ruh….. Leit thylli