Tieng u trai ban pyllait ia ka Harpal

Shillong,
18 Rymphang:
Ia ka phlim Hindi ka “Har pal”  kaba ak da u Shiney Ahuja bad ka Preity Zinta kaba la ring ha Shillong la dep nadong shadong hynrei na ka liang u trai ne producer  um shym la treh ban pynlait paidbah namar ba u tieng na ki katto katne ki jingeh.
Haba kren mynta ka sngi, ha nongbah Shil long, u Director kane ka phlim u Jahnua Barua u la ong ba la don katto katne ki jingeh bad na ka liang u producer um pat kwah ban pynlait paidbah ia kane ka phlim.
“U producer u don ka jingtieng na ki katto katne ki jingeh ban pynlait ia kane ka phlim wat la dep lut nadong shadong”, la ong u Barua.
Ia kane ka phlim la dei ban pynlait paidbah ha u snem 2009 hynrei ha dien kane, u actor ba ak ha kane ka phlim u Shiney Ahuja u la shah kynnoh jrong kti noh ia la kajong ka nongtrei iing bad na kata ka daw, ka jingthmu ban pynlait paidbah ia kane ka phlim ka la sahkut noh.
“Ngam shym la ioh iakynduh ia u producer bad na ka liang jong nga, nga la leh ia ka kamram” u la ong u Barua. Ka phlim ‘Har Pal’ ka la don ruh ka  la ruh ka jingeh namar ba ka Preity ka la pynpaw ia ka jingbym sngew tynnad ia u producer. Ka ‘Har Pal’ ka dei ka phlim jingieit hapdeng ki ar ngut ki marjan u Shiney bad ka Preity. Ka Eesha Koppikkar ka long kum ka paralok ka Preity ha kane ka phlim.