Tieng bom ha syndah iing U MR

Shillong, 22 Nailur:
Mynta ka step, ka la don ka jingher syrngiew kaba jur ha khmat jong ka iing sah jong u myntri rangbah ka Jylla ha Polo bad ka daw, ka long namar ba ka don kawei ka pla, ba la shu ieh noh ha katei ka jaka. La iohi, ia katei ka pla, kaba la shu iehnoh ha ka por 9baje mynstep, da ki nongleit jingleit, kiba la ia thuh ia ki pulit bad ki pulit, ki la leit sha katei ka jaka ban peit ia katei ka pla bad ker kut ia katei ka jaka baroh sawdong. La khot ia ki ksew sma, ba kin sma ia ka pla bad sa ki pulit, kiba dei ban pynlip, lada dei ba don ki waiar pynbthei bom, hynrei, ynda haba la plie, la lap pynban ba katei ka dei ka plat hep jain jong ki briew. Ki pulit ki la shimti noh ia katei ka pla.