Tied u pyrthat, iap 19tylli ki masi

Ka jingtied u pyrthat ka wan rah ka jingduh nong kaba khraw ia u ma Chemphang Lamare.
Ha kane ka 15 tarik iaiong ha ka por 5 shiteng janmiet, u pyrthat u la tied ha ka shnong Chiehruphi East Jaintia Hills bad ha ka ne ka jingtied u pyrthat la kyllon iap 19 tylli ki masi jong u ma Chemphang Lamare u ba na ka shnong Chiehruphi hi.
Kaba kham phylla shuh shuh, ka long ba hadien katto katne kynta u wei naki ne ki masi u la im pat, katba ki 18 tylli kila iap ha juh. Kane ka long ka jingduhnong kaba khraw ia u ma Lamare; katba u nong sharai pat donbok u khlem mynsaw da ka jingda u Trai kynrad na jrong.