Tied ka Meghalaya 3 spah duna ha ka jingiakhun ia ka Uttarakhand

Shillong:  Ka Meghalaya ka la tied 294 ron bad hap 5 wicket ha ka sngi ba iakhun sdang pyrshah ia ka Utterakhand ha ka lumpung Ranji Trophi ka Plate Group kaba iakhun mynta ka sngi ha Dehradun. Kane ka jingkamai ka Meghalaya ka la wan na ka jingialehkai bha u Punit Bisht.

                Ha kane ka jingialehkai, u Bisht lem bad u Yogesh Nagar ki la kamai 154 ron, kynthup 19 tylli ki saw ban pynlait ia ka Meghalaya na ka jingma ha ka kylla ba nyngkong.

U Bisht bad u Nagar ki la kamai 194 ha ka wicket kaba saw shwa ba u Nagar un hap noh.

                U Gurinder Singh uba iatied lang pat bad u Bisht ki la kamai 58 ron shwa ban kin hap noh. U Gurinder u kamai 22 ron bad u Abhay Negi u kamai 7 ron.

                Ha kawei ka liang, ka jingialehkai ka Meghalaya bad ka Mizoram la buh ban ialehkai ha ka 22 haduh 25 tarik Nohprah, la pynkynriah noh sha ka 20 sha 23 tarik namar ba ka jingtuklar u secretary ka Meghalaya Cricket Association u Naba Bhattacharjee uba iasaid ba kam long kaba dei ban iakhun ha ka por Khrismas.