Baroh shi katto nga dang tieng ia ka jingshah ot balang. Mynta te ngam lah shah shuh. Lada ka balang Presbyterian ka ot balang ia nga, to ot, ngam salia shuh.
Naduh ba la wan u Corona ia ki ïingmane la khang baroh. Ym don shuh napdeng ki pastor kiba wan peit wan jngoh ia ki ïing khristan bad ia ki balang shnong la ki dang im ne ki la iap. Hynrei ki shu ai da ka hukum la kat u Kaisar Augustus hyndai, ba baroh ki khun balang ki dei ban ai jingainguh, khnang ba kin ioh bam suk ma ki ryngkat bad ki khun ki tnga.
Na ka liang jong nga te nga kren shai ba ngam lah ban ai jingainguh, namar ba ngam ioh bylla shuh, jingiaseng ruh la khang ki pastor bad ki pastor ruh ki khlem trei shuh. Ban ia kaban iap thngan ki khun la jong te bha ban iap ki pastor thiah thai.
Ko ki pastor, balei phim ai da ka hukum ia ki balang shnong ba kin shna group ban pynlong jingiaseng ha la ki dong ki dong, khnang ban ioh lum jingainguh ban pynkdang ia ka kpoh jong phi. Hynrei haba phi don tang ka shynrong khlieh khlem jabieng te kumne kein, phi shu dawa pisa kulmar na u kup shiliang sem shiliang, uba shu im kyndoi jakpoh.
Nga don sa kawei ka jingai jingmut ia phi ki pastor thiah thai. Kata ka long, sei noh da kato ka phon ba la lum ba la jan 200 snem kein. Sa iasam phin ioh mar katno hajar klur. Leit trei noh sha ki lyngkha, ki bri, ki kper… kumba leh ma ngi ki paitbah kein. Balei phi lehrain ban bah mohkhiew?
Ban pynkut ia kane ka jingthoh, nga don ban ong sa kumne: Haba wan tang tiak uta u Corona phi ki pastor phi la sheptieng haduh katne, te lada wan sa uta u 666 leilei, phi baroh ki pastor phin ia kylla matlieh lut. Mano shuh ban peit ia ngi ki rit ki ria? Kam don jingmut shuh ia ngi ban ai jingainguh.
Bah Dmikstar Lyngdoh,
New Nongstoin.
Ph.no.8837474016
Sngewtynnad da iohi ia Ki nongthoh kiba nud ban pynpaw ia Ki jingshisha kumne,shu Ong Ba iadei Ki briew ban da dei kum Ki Blang Ki masi te tip shuh katno tylli kiba dang lap ne katno tylli kiba dang lait im na tyrsim Ki Khla Ki Sing,haba la shu pyllait lan ha lum ha khlaw.Ki Mrad te shisien la pyllait lan lah eh ban tehlakam ubriew te tip shuh u long kumno?Kyrmen Ki nongsharai balang kin ioh jinghikai nangne sha khmat.
shisien pyrkhat ka dei ka ne ka jingkren hynrei haba bishar bniah bha kane ka jingkren ka ktah ia baroh ki pastor haba phi kren shaphang ka bsa khun ki pastor daka jingai jong ki para bangeit. haba bishar bha kane ka jingkren kadei tang na ka jingshem jongphi kam dei ka jong ki wei. haka jingshem jongnga ki don shibun ki pastor ki ba leit visit, te hangne mano ba dei mano bymdei?nakata kadaw hashwa ban kren pyrshah iano iano da bishar bha ha baroh ki saw liang ym dei ban bishar tang shi liang.
Taka daw ngin bishar shuwa hala ing kumba long u ñi u kong wat pat kyrkieh ka leit rung hima kiwei namar ngim pat tip tikna..
Kaba dei eh bah. Lada kim lah ban iada ban pynduwai ban pan jingiada na ka bynta u paidbah na kane ka nem sniew, kumno kein kin iada ia ngi na u soitan u ban wan ha ki longdur ba pher ba pher?
Lada nga la shakri hok ha ka jaka ba nga dei ban shakri, ka long bieit ia nga ban argue bad kane ka jingthoh. Lada nga pynksan ialade ruh kam don jingmut ha khmat u Blei. U Jisu u ong “U Kpa jongphi uba iohi ha kaba rieh un ainong ha kaba paw.”
Ki don pat ruh ki pastor kiba kwah ban
U nongkdew ia ka pop u dei u nongsait pop. Lada kdew da u briew uba shong ialade ha patok ruh lada u kdew ia kaba dei ngan pdiang ei ba ngan ioh ban pynbeit ban pynjanai ialade.
Kam bha ban leit rung palat na kawei ka ing sha kawei pat ha kum kane ka por. Ngi lah ban nym tieng ialade hynrei ngi hap pyrkhat pat ia kiwei.
Ka dei ka jing ong utei u rangbah