Thylli ka jaka lehniam ba heh tam ki Muslim ha Mecca, na ka coronavirus

Ka phyllaw jong ka jaka mane blei, ba khraw tam jong ki Muslim lane kaba la ju tip Great Mosque of Mecca, ka thylli kreng kreng ha kine ki sngi bad ka daw, ka long ba u paidlang Muslim, um leit shuh ban iashim bynta ha katei ka jinglehniam, na ka pakhang shnong kaba la pynlong ha kylleng ka pyrthei.

Ka phyllaw jong katei ka iingmane, ka ju long kaba khapngiah briew man ka sngi, namar ba ki riewngeit Muslim, ki tuid da ki lak, hynrei mynta pat la iohi ba katei ka jaka mane blei, ka la thylli, ha kaba ki don tang katto katne ngut eh, kiba leit ban lehniam.

Ka lehniam Ramadan, ka dei kaba bteng haduh 30 sngi kynthih bad ki Muslim, ki ju shah thngan, ha ka por mynsngi, kum ka dak jong ka jingleh burom ia ka Koran, kaba la thoh shaphang U Prophet Muhammad. Man ka janmiet pat, ynda la sep ka sngi, ki long iing, kin ia kynduh lang ban ia bam ja lang bad ki don bun kiba leit sha ki Masjid ban duwai.

Mynta ka sien, kiba bun ki ri Muslim, ki don ha ka jingkhang shnong bad kumta ki paidbah, ki ioh ban mane blei na la iing, namar ka jingtieng jongki, ia ka khlam coronavirus.