Thwet ki Pulit ka Ri Bhoi ia u nongialam KSU

Nongpoh: Katto katne sngi hadien ba u Samla Ferdynald Kharkamni, President ka KSU ha Ri Bhoi, u la shah ujor Ejahar ha ki Pulit ka Umiam Police Station, hadien ba u la shah kynnoh donkti ha ka ban ktah kti ia u OC ka Umiam lem bad ia uwei u Head Constable, hapoh jong katei ka Thanad.

Kumta halor katei ka jingjia ki Pulit ka Ri Bhoi, myn hynnin ka sngi ki la pynbna ba ki la phah da ka (Look Out Notice) sha baroh ki Police Station bad kaba long ruh kum ka jingpyntip paidbah, ba ki Pulit mynta ki la thwet ban iohkem ia u.

Ia u Samla Ferdynald Kharkamni, uba la shah rejister case ha Umiam Police Station bad uba la shah pynngat ha ki kyndon 190/341/323/353 bad 506 jong ka kyndon Ain Indian Penal Code (IPC).
Lah ruh ban kdew hangne, ba u samla Ferdynald Kharkamni, u la shah kynnoh ba u la ktah kti ia u OC bad ia u Head Constable ka Umiam Police Station mynha ka 15 tarik mynta u bnai bad ba ki Pulit jong katei ka Police Station, ki la ujor da ka ejahar pyrshah ia u.