Thwet ki pulit ia ka kmie ba bret khun ha Jingkieng Mawlai

Shillong, 23 Naitung:
Ki pulit ki dang bishar bniah ia ka jingbret khyllung kaba la jia dang shen ha kaba I khyllung ba dang san bnai la lap na wah Wahumkhrah ha Jingkieng Mawlai ha kane ka sngi u Blei.
“Ha kane ka khyllip mat, ngi dang pyrshang ban buddien ia ka kmie kaba bret ia I khyllung. Shisien ba ngi ioh ban kem ia ka kmie, ngin tip la ka case kaba leh beain ne kaba da long ain” la ong u SP ka East Khasi Hills SP u Bah Mariahom Khar krang ha kane ka sngi Hatmajai.
Ha kajuh ka por, uwei u doktor sorkar u la ong ba ia kane ka kam bret khyllung ka long beain.
‘Lada ka long ain ban bret khyllung ha kano kano ka jaka ba la ithuh da ka sorkar, I khyllung in bret sha wah sha lum” la ong u doktor sorkar.
U la ong ba lada don ka ain ban pynhap khyllung, I khyllung I khyllung dei ban leh katkum ka rukom hadien ba la pynhap da ka jingmynjur jong kiba haiing hasem.
“Nga suba jur ba kane ka kam jong ki briew, ki bym pat kwah ban ioh khyllung” la ong uwei u doktor sorkar bad bynrap ba kane ka jait ka kynrei bha ha kine ki sngi.
Ha kane ka sngi u Blei, I khyllung ba dang san bnai, la lap ba bret ha Wahumkhrah kaba la lap da ki nongiaid lynti ha Mawlai Iewrynghep.
Ka dkhot ka Khun Kynthei Hynñiewtrep Association (KKHA) kiba leit sha katei ka jaka bran bran ki la pynthikna ba I khyllung ila khlad.
Ka seng ka pyntip sha ki pulit kiba rah ia I sha Shillong Civil Hospital.