Thwet jur ki pulit Manipur, ba jah rngai 16ngut ki samla pule na hostel

Imphal:Ki pulit ka Jylla Manipur ki la pynlong ia ka jingthwet ban lap ia ki 16 ngut ki samla pule kiba la lap ba ki la jah rngai na ka Hostel jong ki jong ka Peace and Freedom Academy Thoubal Haokha kaba hap hapoh jong ka Thoubal police station ha Thoubal district jong ka Jylla Manipur hynnin ka sngi Nyngkong.

Kane ka jingjah ka la paw pyrthei ha ka por ba u Salam Jotin Singh, u Principal jong ka Peace and Freedom Academy, u Thoubal Haokha u la ujor sha u Ophisar ba peit ia ka Thanad Thoubal ha ka sngi Nyngkong.
U Principal u la ujor da ka ejahar bad missing report ha kaba ïadei bad ka jingjah jong ki 16 ngut ki khynnah kiba sah ha katei ka hostel jong ka skul.

Ha ka jingujor jong u, u Principal u ong, “Ki nongtrei bad ki khynnah skul jong ngi ki la pynlong ia ka jingtalasi kaba bniah ia ka jaka skul bad ka hostel, hynrei kaba sngewsih ka long ba ngim shym la lah ban lap ia ki. Ngi long kiba kloi ban ai ïa kiwei pat ki jingtip ne jingïarap kiba lah ban donkam ha ka por ba wad.”