Thut u Transformer ha CHC Laskeiñ

Shillong, 4 Jymmang:
Hadien bala thut u Tranformer ha kane ka jaka sumar ha Laskieñ CHC ka ophis ba dei khmih ka MePDCL ka khlem da shimkhia pat iakane ka jingeh ha kane ka jaka sumar halor ba naka liang ka ophis jong kane ka CHC kala dep ban pyntip bad lah dep phah jingthoh ia ki jingdonkam jong ka. Te na ka liang ka Khasi Students Union Laskeiñ circle haka jingialam jong u Samla J.Paul Lyngdoh Education Secretary jong kane ka seng ryngkat ki para member kila leit ban iakynduh ia u Bah M.Kurbah Chief Executive Oficer jong ka MePDCL ban iakren halor kane ka jingeh ba kane ka jaka sumar ka la kynduh. Na ka liang u ne u nong ialam u la ong ba “Ki Nongshong shnong jong kane ka thaiñ ha Laskeiñ Block ki donkam shibun iakane ka Hospital kaba la iarap bad shakri shibun eh ia ki,khamtam ia ki nongpang ba kim donkam ban hap leit shaduh sha jngai bad kala pynsuk shibun wat ia ki para nongshong shnong ki ba don haki thain Block 1 namar ba ka jan ia ki ban wan sumar hangne. Tangba lada kam don da ka light kam lah hi ruh ban leh eiei khamtam hakane ka juk ba mynta kat kaba ngi leh ruh ngi pyndonkam daka light, kumjuh por miet badum ka shitom ia ki nongtrei ki nurse ki doctor ban sumar iaki nong pang” te naka liang u CEO jong ka MePDCL ruh u ong ba yn sa leh noh hi kyrkieh ia kane ka light bad kan sa shimpor tang katto katne por ban pynbiang ia ki Tranformer bad ia tiar light kiba kane ka Hospital ka donkam, kane ka long katkum ka kyrwoh na u Publicity Secretary u N. Sutnga.