Thut ki khynnah skul ba khang Golflink

Shillong, 08 Naiwieng:
Ka United Democratic Party) (UDP), Shillong City District ka la pynpaw ia ka jingbym sngew iahap ia ka jingkhang lynti ban iaid ki kali na Mawroh sha Polo tang namar ba don ka jingialehkai Golf ha Golflinks.
Haba pynlait khu-bor u Bah Allantry F Dkhar mynta ka sngi u la ong ba kane ka jingkhang ban iaid ki kali kan buh jingeh bad kan pynthut ia ki khynnah skul khamtam ba leit ialeh ia ka eksamin. “Ka party ka kyntu ia ka sorkar ba kan weng noh ia kane ka jingkhang iaid kali ban pynlait ia ki khynnah skul bad ki paidbah na ka jingthut ha ka leit ka wan”, la ong u Bah Dkhar.